TG Courts Recruitment 2025 Updates: తెలంగాణలోని పలు జిల్లాల్లోని కోర్టుల్లో 1,673 పోస్టుల భర్తీకి ప్రక్రియ కొనసాగుతోంది. ఇప్పటికే దరఖాస్తుల స్వీకరణ ప్రక్రియ ముగియగా… తాజాగా పరీక్షల తేదీలను ఖరారు చేశారు. ఏప్రిల్ 15వ తేదీ నుంచి ఎగ్జామ్స్ ఉండనున్నాయి.
తెలంగాణలోని జిల్లా కోర్టుల్లో ఉద్యోగాలను భర్తీ చేయనున్నారు. ఇందుకోసం ఆన్ లైన్ ద్వారా దరఖాస్తులను స్వీకరించారు. ఇప్పటికే ఆ గడువు కూడా పూర్తయింది. అయితే ఈ ఉద్యోగాలకు సంబంధించి హైకోర్టు నుంచి మరో కీలక ప్రకటన జారీ అయింది.ఏప్రిల్ 15వ తేదీ నుంచి రాత పరీక్షలతో పాటు స్కిల్స్ టెస్ట్ ఉంటాయని వెల్లడించింది.
రాత పరీక్ష తేదీలు…
- ఎగ్జామినర్ - 14 ఏప్రిల్ , 2025
- జూనియర్ అసిస్టెంట్ - 16 ఏప్రిల్ , 2025
- ఫిల్డ్ అసిస్టెంట్ -20 ఏప్రిల్ , 2025
- రికార్డ్ అసిస్టెంట్ - 15 ఏప్రిల్ , 2025(స్కిల్ టెస్ట్)
- టైపిస్ట్ - 15 ఏప్రిల్ 2025 (స్కిల్ టెస్ట్)
ఈ పరీక్షలను షిప్టులవారీగా నిర్వహిస్తారు. షిప్ట్ 1, 2, 3లుగా ఉంటాయి. ఇక ఏప్రిల్ 8వ తేదీ నుంచి హాల్ టికెట్లు అందుబాటులోకి వస్తాయి. https://tshc.gov.in/ వెబ్ సైట్ నుంచి వీటిని డౌన్లోడ్ చేసుకోవాల్సి ఉంటుంది.
ఈ నోటిఫికేషన్ ద్వారా పలు జిల్లాల్లోని 1,673 ఉద్యోగాలను భర్తీ చేస్తారు. ఇందులో 1,277 నాన్-టెక్నికల్ పోస్టులు, 184 టెక్నికల్ పోస్టులు, జ్యుడీషియల్ మినిస్టీరియల్, సబార్డినేట్ సర్వీస్‌లోని 212 పోస్టులు ఉన్నాయి. వీటిల్లో కంప్యూటర్ ఆపరేటర్లు, అసిస్టెంట్లు, కోర్ట్ మాస్టర్లు, స్టెనోగ్రాఫర్ గ్రేడ్ III, జూనియర్ అసిస్టెంట్లు, టైపిస్టులు, కాపీయిస్టులు వంటి క్లరికల్ పోస్టులు ఉన్నాయి.
ఈ ఉద్యోగాలన్నీ కూడా శాశ్వత ప్రాతిపాదికన భర్తీ చేయనున్నారు. రాత పరీక్షలతో పాటు స్కిల్స్ టెస్ట్ ఆధారంగా తుది జాబితాలను ప్రకటిస్తారు. అయితే పోస్టుల వివరాలతో కూడిన నోటిఫికేషన్లు హైకోర్టు వెబ్ సైట్ లో అందుబాటులో ఉంచారు. ఇందులో ఏ జిల్లాలో ఎన్ని ఖాళీలు ఉన్నాయో కూడా తెలుసుకోవచ్చు.