TG CPGET Counseling 2024 : టీజీ సీపీగెట్ - 2024 కౌన్సెలింగ్ ప్రక్రియ ప్రారంభమైంది. అర్హత సాధించిన అభ్యర్థులు ఆన్ లైన్ రిజిస్ట్రేషన్లు చేసుకోవాల్సి ఉంటుంది. ఇందుకు ఆగస్టు 21వ తేదీని తుది గడువుగా నిర్ణయించారు. https://cpget.tsche.ac.in/ వెబ్ సైట్ లోకి వెళ్లి ప్రాసెస్ చేసుకోవాలి.
TG CPGET Counseling 2024 : తెలంగాణలోని పీజీ కోర్సుల్లో ప్రవేశాలకు సంబంధించిన సీపీగెట్ - 2024 కౌన్సెలింగ్ ప్రక్రియ షురూ అయింది. అర్హత సాధించిన అభ్యర్థులు ఆన్ లైన్ రిజిస్ట్రేషన్లు చేసుకోవాల్సి ఉంటుంది. ఈనెల 12వ తేదీ నుంచి మొదటి విడత రిజిస్ట్రేషన్ల ప్రక్రియ ప్రారంభం కాగా… ఇందుకు ఆగస్టు 21వ తేదీని తుది గడువుగా పేర్కొన్నారు. https://cpget.tsche.ac.in/ వెబ్ సైట్ లోకి వెళ్లి ప్రాసెస్ చేసుకోవాలి.
ఆగస్టు 27 నుంచి 30వ తేదీ వరకు వెబ్ ఆప్షన్లు ఎంచుకోవాలి. 30వ తేదీన వెబ్ ఆప్షన్లను ఎడిటింగ్ చేసుకోవచ్చు. సెప్టెంబర్ 4వ తేదీన ఫస్ట్ ఫేజ్ సీట్ల కేటాయింపు ఉంటుంది. సెప్టెంబర్ 9వ తేదీలోపు ఆయా కాలేజీల్లో రిపోర్టింగ్ చేయాలి. సెప్టెంబర్ 15వ తేదీ నుంచి రెండో విడత కౌన్సెలింగ్ ప్రక్రియ ప్రారంభం అవుతుంది.
సీపీగెట్ కౌన్సెలింగ్ - ముఖ్య తేదీలు:
- ప్రవేశ పరీక్ష - టీజీ సీపెగెట్(కామన్‌ పోస్ట్‌ గ్రాడ్యుయేట్‌ ఎంట్రెన్స్‌ టెస్ట్) 2024
- ఆగస్టు 12వ తేదీ నుంచి మొదటి విడత రిజిస్ట్రేషన్లు ప్రారంభం.
- ఆన్ లైన్ రిజిస్ట్రేషన్లకు ఆగస్టు 21వ తేదీని తుది గడువుగా పేర్కొన్నారు.
- ఆగస్టు 27 నుంచి 30వ తేదీ వరకు వెబ్ ఆప్షన్లు ఎంచుకోవాలి.
- ఆగస్టు 30వ తేదీన వెబ్ ఆప్షన్ల ఎడిటింగ్.
- సెప్టెంబర్ 4వ తేదీన ఫస్ట్ ఫేజ్ సీట్ల కేటాయింపు ఉంటుంది.
- సెప్టెంబర్ 9వ తేదీలోపు ఆయా కాలేజీల్లో రిపోర్టింగ్ చేయాలి.
- సెప్టెంబర్ 15వ తేదీ నుంచి రెండో విడత కౌన్సెలింగ్ ప్రక్రియ ప్రారంభం అవుతుంది.
- https://cpget.tsche.ac.in/ వెబ్ సైట్ లోకి వెళ్లి ప్రాసెస్ చేసుకోవాలి.
రిజిస్ట్రేషన్ చేసుకునే అభ్యర్థులు వెబ్ సైట్ లోకి వెళ్లిన తర్వాత లాగిన్ కావాలి. ఇక్కడ మీ సబ్జెక్ట్ తో పాటు ర్యాంక్, హాల్ టికెట్ నెంబర్, పుట్టిన తేదీ వివరాలను ఎంట్రీ చేయాలి. ఆ తర్వాత నిర్ణయించిన ఫీజును చెల్లించాలి. ఓబీసీ విద్యార్థులు 250 చెల్లించాలి. ఎస్సీ, ఎస్టీ అభ్యర్థులు రూ. 200 చెల్లించాలి. రిజిస్ట్రేషన్ ప్రక్రియ పూర్తి అయిన తర్వాత… వెబ్ ఆప్షన్లను ఎంచుకోవాలి.
తెలంగాణ సీపీగెట్ - 2024 (కామన్‌ పోస్ట్‌ గ్రాడ్యుయేట్‌ ఎంట్రెన్స్‌ టెస్ట్) ఫలితాలు ఇటీవలే విడుదలయ్యాయి. మొత్తం 73,342 మంది విద్యార్థులు దరఖాస్తు చేయగా… ఇందులో 64,765 మంది పరీక్షలకు హాజరయ్యారు. ఇందులో 61,246 మంది విద్యార్థులు అర్హత సాధించారు. 2024-25 విద్యా సంవత్సరానికి విద్యార్థులకు ప్రవేశాలు కల్పించనున్నారు.
TG CPGET 2024 ర్యాంక్ ను ఇలా చెక్ చేసుకోండి :
- Step 1: పరీక్ష రాసిన అభ్యర్థులు https://cpget.tsche.ac.in/ వెబ్ సైట్ లోకి వెళ్లాలి.
- Step 2: సీపీగెట్ - 2024 ఫలితాల లింక్ పై క్లిక్ చేయాలి.
- Step 3: ఓపెన్ అయ్యే విండోలో హాల్ టికెట్ నంబర్, రిజిస్ట్రేషన్ నంబర్ తో పాటు పుట్టిన తేదీని ఎంట్రీ చేయాలి.
- Step 4: మీ ర్యాంక్ కార్డ్ డిస్ ప్లే అవుతుంది.
- Step 5: ప్రింట్ లేదా డౌన్లోడ్ అనే ఆప్షన్ పై నొక్కి కాపీని పొందవచ్చు.
రాష్ట్రంలోని ఉస్మానియా, తెలంగాణ, కాకతీయ, శాతవాహన, పాలమూరు, మహాత్మాగాంధీ, మహిళా యూనివర్సిటీలు, జేఎన్‌టీయూహెచ్‌ పరిధిలో ఉన్న 297 పీజీ కాలేజీల్లో( ఎమ్మెస్సీ, ఎంఏ, ఎంకాం, ఎంపీఈడీ కోర్సు) 45 కోర్సుల్లో ప్రవేశాలకు సీపీగెట్ నిర్వహించారు.సీపీగెట్ పరీక్షలను జూలై 6వ తేదీ నుంచి కంప్యూటర్‌ ఆధారిత విధానంలో నిర్వహించారు.జులై 17వ తేదీతో అన్ని పరీక్షలు పూర్తి అయ్యాయి.
రాష్ట్రవ్యాప్తంగా 44,604 పీజీ సీట్లు అందుబాటులో ఉన్నాయి. సీపీగెట్‌కు దరఖాస్తు చేసుకునే అభ్యర్థులు డిగ్రీలో ఏ సబ్జెక్టు చేసినా, పీజీలో ఇష్టమొచ్చిన సామాజిక కోర్సుల్లో చేరేందుకు వీలు కల్పిస్తున్నారు. ఎంబీబీఎస్, బీటెక్‌ విద్యార్థులు కూడా ఎంఏ, ఎంకామ్‌ వంటి కోర్సుల్లో చేరే వీలుంది. మొత్తం 100 మార్కులకు సీపీగెట్ పరీక్ష నిర్వహించారు.ఈ ఏడాది కూడా ఉస్మానియా వర్శిటే ఈ పరీక్ష నిర్వహించింది.